【即叫即炒!石硤尾舊式快餐店!】

體現舊屋村文化!

80年代好多舊屋村都有呢類快餐店,即刻買飛即叫即炒,夾雜態度唔係咁好既員工、廚師一兩句粗口,好唔好食都係其實都係其次,小編覺得黑椒牛扒切絲炒烏冬最值得食,牛扒絲都有手指咁粗,黑椒汁炒烏冬炒得夠哂鑊氣,好食!

▲黑椒牛扒切絲炒烏冬($31) : 牛扒切絲都唔算切得好細既,其實可以叫佢做牛柳,鑊氣好, 黑椒汁濃郁, 掛係烏冬上面。

▲水手意粉🍝 其實係頹意粉,有雞扒、豬扒、火腿同煎蛋,係食肉獸應該鐘意既!

▲炸魚薯條($29) : 雖然呢度同M記一樣係用幼身薯條,不過呢度係賣幾多炸幾多,唔會食到返炸薯條。

▲黑椒牛排飯($33) : 如果未試過快餐店式鋸排,就可以一試,呢款鋸排既牛排係好多鬆肉粉,不過勝在價錢夠平,窮人恩物呀!

水手快餐店

地址:石硤尾窩仔街1-13號仁寶大廈地下
電話:27778017

文字來源:香港人.遊香港/圖片來源:changchanwaihungry_cats_yay,,foodelicious.chloe_martinchan