香港人遊香港

【日本 | 大阪。日本當地人大推!超澎湃足料火鍋料理】


喺天下茶屋附近有一間人氣爆燈嘅居酒屋,原因係佢地嘅超足料一人火鍋料理,每個鍋啲餸堆到成座小山咁,超級足料,而且用料仲非常新鮮,好似蠔鍋就係冬季限定,蠔唔肥美唔用,加上價格相宜,所以平時都大排長龍㗎!


▲位於西成區天下茶屋嘅「すき焼・鍋物 なべや」係一間火鍋店,同時亦係一間居酒屋,其一人鍋超受歡迎,所以成日都吸引區內司外嘅人大排長龍!


▲冬季限定嘅味噌蠔鍋每年只供應到4月,見到一粒粒肥美飽滿嘅生蠔整齊咁圍滿晒鍋邊,賣相簡直係100分呀,味噌湯配合埋蠔嘅鮮甜,簡直一流。


▲另外「牛肉鐵鍋」亦係必點之一,滿滿嘅牛肉片,加上自家製壽喜燒汁,按自己喜好同底下嘅芽菜炒熟之後,沾上蛋黃汁,入口即溶嘅感覺令人幸福滿滿。(牛肉鍋每日限量供應,要食記住早啲黎排喇!)


▲另有其他豬、雞、魚嘅鍋物供應,梗有一款岩你心水,所有鍋物價位都只係$60至$80左右,非常抵食!但要留意番每人最少要點一杯飲品!

すき焼・鍋物 なべや
時間:14:00-21:00
地址:大阪府大阪市西成区天下茶屋北 2-6-5

文字來源:香港人.遊香港/圖片來源:互聯網
—————————————————————
相關文章:
【日本。大阪|野宿露營車!享受迷人日落景】
【日本 | 東京。飽覽東京灣美景🌊人工島海之螢火蟲】

Related Articles

Follow us

合作查詢

歡迎與我們聯絡, 查詢合作