【港味濃!懷舊古物博物館x車仔麵店!】

與其話呢間係車仔麵店,不如話係間懷舊古物博物館!呢度裝潢均以懷舊為主題,綠色鐵閘、舊海報、鐵皮信箱、古老電話及大笪地燈飾!車仔麵餸料亦返璞歸真,豬腸、牛筋腩、陳皮魚蛋呢d都非常出色,不過小編覺得最特別都係手打米線,容易吸收湯汁,超入味!

▲店內裝修心思十足!多道綠色鐵閘、大笪地燈飾彷彿一條時光隧道穿越幾十年!

▲牆上擺放左IQ博士漫畫,依家d小朋友應該好少有機會睇到!

▲招牌八寶麵($48) : 呢個八寶麵完全解決左有選擇困難症既朋友仔!有齊豬腸、豬紅、豬皮、牛肚、陳皮魚蛋、蘿蔔、鮮冬菇,小編最推介清甜蘿蔔、爽口既豬腸!

▲金牌惹味($24) : 沙嗲口味既醬撈勻豬皮、魚蛋、魷魚鬚又香又辣,非常惹味!

▲奶茶涼粉紅豆冰($26)、抹茶涼粉紅豆冰($26)

▲懷舊酸齋($12) : 細酸酸甜甜汁同車仔麵其實好夾!

▲酸辣豬手($16) : 酸酸辣辣既豬手刺激開胃,豬手夠爽口,而且唔肥膩。

▲三餸一麵($38) : 小編揀左溏心蛋、腩肉及魚皮,麵就揀左手打米線。

▲手打米線比一般米線幼身,質感更加爽滑。而且好快吸哂d湯汁!湯底都唔係hea-底!係以豬骨、魚鰾等新鲜食材每日熬煮而成,加埋豬油渣,令味道富油香。

▲餐廳更加入九龍皇帝既書法,都係香港早年代一大特色。

車仔の家 (已結業)

地址︰旺角通菜街187號地舖
電話︰2320 1884
營業時間︰12:00nn至10:00pm

文字來源:香港人.遊香港/圖片來源:互聯網