【#期間限定!香港都有百合花花海】

真係好靚!

唔知大家仲記唔記得上年免費開放太陽花田畀市民參觀嘅元朗信芯園呢?今年佢哋又再次因為寒冬而遲開花,搞到4萬支法國香水百合趕唔切喺農曆新年應市,而家先陸續開花。不過信芯園場主信哥好樂觀,仲話免費開放花田2星期,畀市民去賞花,亦都可以即場買花支持,暫定每支百合以低於成本價每支$10出售。大家記住把握機會喇!

▲大家仲記唔記得上年免費開放太陽花田畀市民參觀嘅元朗信芯園呢?

▲信芯園場主信哥宣佈免費開放花田兩星期

▲大家記住眼看手勿動

▲為咗保護遊人同花田安全,今年開放期間,遊人唔可以再走落田,只可以喺田邊欣賞。

信芯園

地址:元朗新田小磡村信芯園
期間限定: 2018年3月9日至18日

注意事項:
⚠請自行準備防蚊措施
⚠愛護環境,自己垃圾自己帶走
⚠嚴禁自行採摘農作物
⚠可以即場向農友購買百合花

文字來源:香港人.遊香港/圖片來源:Howard手機攝、信芯園