香港人遊香港

【愛回家!同屋企人食中菜暖笠笠!】


小編以前覺得中菜係老餅先食,人大左覺得可以同屋企人團埋一齊食,係一件唔容易既事!大時大節不妨食好d,沙田呢間酒店原來新開左中菜廳,主打潮式菜同fusion菜,八寶扣大鴨包住超多料既糯米飯,一家人食確係食到暖笠笠,小編推薦你地食埋勁考功架既拔絲香蕉,金黃色既香蕉外脆內軟,上面一絲絲糖膠除左打卡呃like外,味道亦非常好。

▲新年流流,冇可能唔食「撈起」既!撈起材料每一種都有其吉祥含意:紅蘿蔔絲(象徵鴻運當頭)、青木瓜絲(象徵青春永駐)、堅果、花生碎粒及餅乾脆片(象徵遍地黃金)、五香粉與胡椒粉(象徵五福臨門)、香油(象徵財源滾滾)、酸甜醬與酸桔汁(象徵甜甜蜜蜜)。

拔絲香蕉,原來拔絲甜品材料並唔複雜,掌握到技巧其實屋企都做到既!香蕉沾滿脆漿後炸至黃金色, 放糖漿快速攪拌,拉出糖絲!糖漿唔可以太凍或者太熱,要恰到好處先得架!

八寶扣大鴨,傳統八寶鴨工序繁複,要先將配料蓮子、百合、糯米、粟子、雞粒、瑤柱、咸蛋黃同冬菇炒香,釀入已去骨既大鴨肉,鴨肉既鬆化又嫩滑,咸香十足。
欖菜鯧魚球,魚骨也炸至酥香,配合欖菜好岩口味!

十年花雕蛋白蒸蟹鉗,蟹鉗取自印尼大肉蟹,而蛋白又保留肉蟹精華,加上回甘之花雕口味,滋味無窮。

蟹肉春雨,春雨是多麼詩意的名字呀,原來春雨一詞來自日本,即是粉絲咁解。蟹肉蓋滿了鍋面,鮮甜美味。

玉庭
地址: 沙田白鶴汀街8號帝都酒店
電話: 2694 3939

文字來源:香港人.遊香港/圖片來源:互聯網
—————————————————————
相關文章:
【紐約第一好味!人氣漢堡店Shake Shack】
【小心中頭獎!林村許願節】

Tagged with:     , , , , ,

Related Articles

社交

合作查詢

歡迎與我們聯絡, 查詢合作