【兩蚊隻雞翼!長沙灣小店成本價回饋街坊】

嘩嘩嘩!呢間長沙灣小店為慶祝開業3週年,用成本價回饋街坊,雞翼$2一隻,網米蝦春捲$3一條,就連海鮮類都有,煙蔥奶油青口都只係$25咋,有成十幾隻,加埋佢地個滑溜奶油醬汁,真係抵到爛呀!

▲飯意(只限深水埗)為咗慶祝開業三週年,特別推出呢個成本價優惠,只需點一個主餐就可以加配以上小食,唔只價錢平就連種類都好多,好似雞翼、魷魚、烤餅、炸物就連藍青口都有,誠意十足!

▲雞翼($2一隻) 有三種口味,分別係香茅、香草同蜜糖味!雞翼Size頗大亦算飽滿,肉質亦算嫩,個人比較喜歡蜜糖口味,外皮不會太乾,甜甜的味道!

▲煙蔥奶油藍青口($25) 份量很多,約有十多隻藍青口,雖然不算很大隻,但亦算鮮味!而最令人驚喜嘅係佢個奶油醬汁,好滑溜好香,仲帶陣陣海鮮味,加上煙肉嘅鹹香,好好味,必點!

▲大腳板(特級西冷)蛋包飯 ($62) 特級西冷牛味很濃,肉質鮮嫩,加上牛脂肪,入口油香四溢,超好送飯!配菜係雜果沙律,好fresh,亦可以中和油膩!蛋包飯其實係一塊蛋皮舖在白飯面,但可幸蛋煎得剛好,還有一絲絲的蛋汁可以送飯,唔錯!

▲阿爺秘製醬汁燒原條魷魚配芝士濃湯鍋 ($88) 賣相很精美,鐵架上係炸薯格同燒魷魚,魷魚有成隻手板咁大,而且相當肉厚,爽口彈牙,自家醬汁有點兒像沙爹,又有帶一點香草的味道,非常特別!

▲芝士濃湯鍋我們選配了手作意粉(另可選配珍珠米或辛辣麵) 芝士濃湯口感順滑,倒入芝士後更可造成拉絲嘅效果!手作意粉有點烏冬,煙煙韌韌,掛湯能力強,每一啖都滋味十足,另外湯入面仲有餃子同年糕,超飽肚!

飯意主題餐廳

地址:深水埗元州街146號華興大樓地舖
電話:2361 1611
時間:星期一至日 11:00 – 23:00

文字/圖片來源:香港人.遊香港

相關文章:
【葵廣平民梳乎厘流心pancake】
【葵廣清新手抓餅】