【勁正!脆炸豬扒酸辣米線!】

係觀塘米線控既你一定食過呢間主打豬扒米線既小店,一碗豬扒米線有4-5件豬扒,而豬扒就醃得非常入味,炸得外層鬆化脆口,而個酸辣米線湯底則係四川同雲南既混合版!酸辣之中帶花椒麻香味,層次感十足。

▲雙拼酸辣米線(韮菜餃+ 豬扒 )($42 ) 豬扒簡單地用豉油、糖調味醃成。韮菜餃隻隻都好大粒,饀料韮菜同豬肉碎比例剛剛好,一咬就聞到韮菜芳香。

▲雙拼酸辣米線(蠔仔+ 豬扒 )($42 ) 每碗米線都有芫荽、香芹、蔥,仲有炒香過嘅花生,仲有自家製酸辣菜,食落酸酸甜甜,非常開胃。

▲每碗豬扒米線都有4-5塊豬扒,件件都好厚肉,都幾抵食!

▲海蜇雞絲撈水晶粉 ($36)唔想食酸辣米線既,都可以試下呢個撈水晶粉,佢地會落大量爽口海蜇同雞絲,可以撈起食!而且酸辣味可應要求調教。

臻味豬扒酸辣米線

地址:觀塘聯安街9-15號永毅大樓地下C舖
電話:2790 0588
營業時間:星期一至日 11am-11pm

文字來源:香港人.遊香港/圖片來源:互聯網

相關文章:
【多蔥呀唔該!蔥油豬扒飯!】
【紐約第一好味!人氣漢堡店Shake Shack】