【日本 | 東京。膽量大挑戰!原宿蛇主題Cafe🐍】

出名多古靈精怪野嘅日本,就連動物Cafe都要特別過人,呢間位於原宿嘅🐍蛇Cafe,除咗可以揀心儀嘅蛇陪你High Tea之外,仲可以同佢地嚟個親密接觸,有機會一親香澤添,你,夠膽試嗎?

▲「東京スネークセンター」位於原宿同表參道中間,入場費為1000日元,已包一杯飲品,仲可以揀一條蛇仔陪你一齊High Tea。

▲每個箱入面都有唔同品種類別嘅蛇,好似玉米蛇、球蟒等,而且每條都有自己嘅名㗎!揀岩之後就可以帶佢地返埋位慢慢觀賞喇!(但注意唔可以拎條蛇出黎)

▲如果想同蛇有親密接觸嘅話,只需要加580yen就可以。店員會俾另外幾個大箱嘅蛇俾你挑選,再放係你世上任意遊走,不過唔駛驚,因為佢地係無毒性既!

▲現場仲有唔同關於蛇嘅精品發售,仲有以蛇為造型嘅餐點供應,相當盞鬼!

係呢度你亦可以買到蛇BB,一般約3至6個月大左右,價錢由幾千日元至4萬日元不等,視乎品種同體型大小,不過如果想拎番香港,就記住上漁農署睇番相關手續同要求啦!

東京スネークセンター

地址: 東京都涉谷區神宮前6-5-6三豐綜合大廈8樓‎
開放時間:11:00-20:00(逢星期二休息)
電話:+81-(0)-3-6427-9912

文字來源:香港人.歎世界/圖片來源:互聯網

相關文章:
【日本|滋賀。雲上的世界☁激靚琵琶湖露天Cafe】
【日本|和歌山。円月島白浪濱😲】