【冬天之選!足料滋味雙冬羊腩煲!】

每逢冬天小編都一定要食羊腩煲!呢間茶餐廳除咗小菜仲有羊腩煲同雞煲供應!羊腩煲好足料,大量配菜如冬筍、冬菇、枝竹、馬蹄,羊腩仲肥瘦適中,肉質夠嫩而且唔會太酥,忍唔住一舊接一舊,正!

▲羊腩煲 ($168) 非常足料,配菜有大量冬筍、冬菇、枝竹同馬蹄,而主角羊腩分量亦好多,兩個人食,好似食極都有咁!重點羊腩酥味岩岩好,唔會太勁,肉同脂肪比例適中,仲好嫩滑,勁正!

▲同雞煲一樣,食完羊腩可以加湯打邊爐,貪心地加咗五樣野!生菜係跟羊腩煲送的,響鈴 ($35) 有8條,份量夠幾多。烏冬 ($20) 有兩個,估唔到用羊腩汁送烏冬係咁好味,每條烏冬都掛滿汁料,超正!

▲鮮魷 ($50) 有好多片,無部都界曬花,而且仲切得好厚身,食落夠曬爽口! 

▲愛肉之人梗係點多兩份肉啦,分別係肥牛和鮮雞件。肥牛 ($55) 睇落脂肪比例睇落有點兒過多,但淥完出黎又唔覺得太肥,而且仲幾有牛味添!

▲雞件 ($55) 大大件,大部分係雞脾的位置,啖啖肉又夠滑!

▲配料選擇其實不算多,而且比較大路,不過份量真係幾多,建議兩個人食加兩至三樣已經足夠!

皇茶冰室

地址:荃灣路德圍8號地舖
電話:2350 2298
時間:星期一至日 07:00-00:00

文字/圖片來源:香港人.遊香港

相關文章:
【1月初限定!新鮮黑松露菜式 】
【瓦煲奶茶】