【好滋補!食蛇羹補補身!】

小編最近睇新聞,話香港人壽命之所以咁高,原因之一係港人愛好食蛇羹,而蛇羹有補身益壽之效。係真唔係就不得而知,天寒地凍餵飽腸胃自然身體會暖,所以食熱辣辣既蛇羹先會滿足,深水埗呢間街坊蛇鋪開業多年,用料十足,煮出黎蛇羹濃稠度岩岩好,每一啖都能食到蛇肉同埋其他配料,食完十分舒暢。

▲五蛇羹(大:$70/中:$60/小:$42)以過山烏、飯剷頭、白花蛇、金腳帶和三索線而成。蛇羹湯底用左黨參、茨實、淮山、桂圓、石斛等中藥熬煮5小時,再將五款蛇肉混合,加入雞絲、冬菇、陳皮、木耳和薑絲。入口蛇味濃郁,每一啖都食到絲絲蛇肉同配料,口感唔會過韌,亦有獨有蛇肉騷香

▲臘味糯米飯($32),每碗飯有2件臘腸同2件潤腸,潤腸油香味濃,糯米飯質地乾身,食落煙韌軟糯,係驅寒暖肚絕配。

▲蛇王善店鋪內仍見到有活蛇,唔知道係咪做擺設,吸引多d人黎,因為依家大部分蛇都係內地進口既。

▲自從轉左新鋪之後,蛇王善仍然保留老招牌同「食蛇有益」四隻大字。

蛇王善

地址 : 深水埗桂林街50號地下
電話:2386 1593

文字來源:香港人.遊香港/圖片來源:jbut777naokiildionaokiildio,  takada_yoshinori