【健康Lunch之三餸飯】

搵麗姐開飯!

成日lunch 出去買飯食,唔係多肉少菜,就係太油膩,想食得健康d,灣仔既朋友可以諗諗呢間樓上素菜餐廳,小編食過燒汁茄子、麵豉豆腐都非常出色,呢度3餸飯日日都唔同,白飯同湯任裝唔嬲,咁抵食難怪Lunch time 成日都full house!

▲灣仔有數間同類的餐廳,麗姐廚房午飯時段提供3餸飯($48)可選3餸,包湯與白飯。食唔夠仲可以免費添加飯及湯。紅米飯加糙米飯加白飯

▲小編同友人分別試左南瓜、麵豉豆腐、菜心苗、上湯鮮竹卷,樣樣都好岩餸飯食!

▲每日都有唔同湯水跟餐附送!小編當日就係菜乾湯!

▲小編第二次再到訪,燒汁茄子尤其出色,茄子吸收甜甜既燒汁,咀嚼時燒汁係茄子纖維之間滲出!

麗姐廚房

地址:灣仔譚臣道105-111號豪富商業大廈二樓A-D室

文字來源:香港人.遊香港/圖片來源:香港人遊香港/ toofun.tobetrue/soovero