【日本|高山。高山人氣名店飛驒牛🐄】

嚟到高山市,梗係不得不試下飛驒牛啦!呢間專食飛驒牛嘅「丸明」,唔只遊客追捧,就連當地人都一樣咁推介👍 下晝去食嘅話仲有套餐提供,大約百幾蚊就可以食到,有齊前菜、湯、飯同甜品等,超抵呀!

▲丸明其實係當地一間好出名嘅飛驒牛肉供應商,佢地嘅牛肉過往仲拎過唔少和牛優秀獎添!

▲午餐價錢約為二千至三千幾Yen,除咗燒肉亦有便當可以選擇,有齊前菜、湯、飯同甜品等!對比起晚餐,真係非常抵食!

▲而佢地其實除咗燒肉,亦有涮涮鍋同壽喜燒可以揀!另外亦有唔同各式日式小食提供,種類算多元化!

▲晚市唔知食咩好,可以試下特選飛驒牛燒肉大皿 (5980 Yen) 有3種飛驒牛再加各式野菜,足2-3人份量!睇落好似好少?但食落就知道,因為和牛油分較高,較容易膩,所以呢個份量絕對足夠!入口即融,牛香四溢嘅感覺,真係非常幸福呀!

丸明 飛騨高山店

地址: 岐阜県高山市天満町6-8
開放時間:11:00 – 21:00
電話: 0577-35-5858

文字來源:香港人.歎世界/圖片來源:互聯網