[駐場博客 @ 小牛牛快樂行山郊遊相集by Chan Keung] 是咁的,小編除咗喜歡行山探險之外,最鍾意就係狗仔。某天上網睇倒, 原來香港有一嚿好出名嘅狗仔石在舂坎山上,外型好似一隻小狗坐响地上,相當有趣。除咗狗仔石之外仲有葵鼠石,飛機頭石, 張保仔洞,仲有靚靚海景, 唔諗咁多,一於走去看看!
由中環坐66號巴士可以直達舂坎角泳灘巴士站落車, 沿舂磡角道一路直走一小段,左面會見倒絲帶,就係攀山入口1啊!一個斜60度嘅石壁,不過有好多手抓位腳踏位,小心攀爬,唔太難呢! 爬大約5分鐘就到山頂,之後再穿林,就見倒魔爪石,好奇特,立刻走落去打個卡先。
再繼續穿林,就見倒葵鼠石,回頭一看有一隻巨大狗仔正在面前,真係好似呢! 打完卡後再穿林,找到古舊瞭望臺, 可一覽全海景。沿路出山再進入~舂磡角公園,穿過公園遊繩落就到達一個石灘,會發現飛機頭石。隔離仲有個名叫張保仔洞, 自認好身手可常試爬下去睇吓,不過落去一定要好小心。 遊覽完一番後,正好坐在石灘上觀看日落。完成今天行程。
▲沿舂磡角道直行靠左手面見到絲帶就係入口
▲入口是大石壁大概有60度,不過有手抓位有腳踏位,唔太困難
▲大約5分鐘就爬到上山頂
▲上到山頂後需要穿林,跟絲帶引路直行
▲揾到魔爪石
▲魔爪石系打卡熱點-不過爬落去一定要小心
▲魔爪石旁邊有一棵野橙樹-含有劇毒千祈唔好摘嚟食
▲繼續穿過森林尋找其他石
▲有部分路段-需要攀爬手腳並用
▲細心觀察,尋找觀石樂趣!
▲卒之找到最出名嘅小狗石啦
▲小狗石相當神似
▲古舊建築瞭望台
▲穿過舂磡角公園-遊繩落石灘
▲面對汪洋大海風景十分美麗
▲飛機頭石
▲石灘左邊係張保仔洞
▲張保仔洞入口有好多垃圾如果自認係攀爬高手-可以嘗試爬落去看看
▲觀看日落最佳景點
注意事項:
⚠攀爬石壁必須小心,建議由熟手陪同及引路
⚠攀爬石頭必須小心 建議穿戴手套和長褲
⚠古舊建築物 要好好保護
⚠ 不要在石頭上塗鴉
⚠風高物燥不要在郊野外吸煙 避免引起山火後果嚴重
⚠ 保持郊野清潔人人有責自己垃圾自己帶走
舂坎山
路線:中環66巴士>舂坎角道>舂坎山>舂坎角公園>石灘 全程約3公里
文字/圖片來源 :小牛牛快樂行山郊遊相集by Chan Keung