fbpx
香港人遊香港

【大嶼山天空之鏡!貝澳半天hea遊!】


[駐場博客 @ 小牛牛快樂行山郊遊相集by Chan Keung]唔想行得咁辛苦,但係又想拍到美麗嘅日落 景色,除咗 ~下白泥之外 仲有邊度可以選擇呢? 其實在大嶼山南部 ~貝澳營地 係熱門露營地點, 嗰度環境優美設施完備, 所以除咗港人之外,仲吸引到海外遊客 都嚟體驗一吓露營生活。 不過今次小編介紹係貝澳海灘後面内灣, 因為貝澳海灘 後段成半圓形沙丘 形成一個天然嘅小小避風塘, 令到水面波平如鏡。所以每逢黃昏日落 都呈現出一幅美麗的倒影,有如天空之鏡,十分耀眼。

話說當日小編 只有半日假期 仲考慮緊可以去哪處郊遊地點行山呢? 如果太晏上山,可能要(摸黑) 落山,不太安全呢! 正考慮之際, 想起不如來個半天hea遊呢! 找個美景拍拍照, 呃個like算吧! 隨即動身 坐港鐵去東涌站 再由東涌巴士站 乘坐巴士到達貝澳。 在老圍站下車過對面馬路,沿小徑入就會見到一幅好大嘅草地,嗰度有好多原居民 ~水牛家族,有數十頭水牛正在忙於覓食 ,仲有一些細小小牛玩耍奔跑, 嗰度仲有好多色彩繽紛嘅植物~鳳眼藍。 穿過一到小橋就會到達貝澳沙灘 ,啱啱好到了日落時分, 天空顏色十分美麗, 小編都攞起手機拍個不停, 正當拍攝之際,又見到遊人帶小狗在沙灘散步, 原來呢度都係小狗散步熱點。 走進沙灘後面~小內灣 呈現出一幅天空之鏡, 嘩! 雖然面積 比下白泥細好多, 但係畫面構圖絕對唔會輸蝕, 各人都拍個不停, 影到手機無電才肯離去。


▲由東涌乘坐3M巴士去到老圍村站落車 過對面馬路 沿小徑進入 就會見到ㄧ大草園


▲這個草原有很多水牛,大大小小加埋有數十隻


▲這片草地繁殖咗很多鳳眼藍 這個植物色彩斑斕十分耀眼


▲草原上的小牛牛都自由自在地奔跑


▲由於天氣轉涼,所以沙灘泳客都比較少


▲路旁小花


▲到了黄昏時段,天色泛黃


▲黃昏日落


▲當太陽落到某ㄧ個點,水面呈現出美麗的倒影


▲美麗的夕陽


▲水面呈現鏡像反射十分耀眼


▲ 夕陽無限好


▲magic time只能夠維持短暫時間


▲找個不同的角度觀看夕陽


▲貝澳日落倒影 真不愧為天空之鏡

大嶼山天空之鏡
路線: 東涌>貝澳老圍村>貝澳沙灘 約1公里
交通: 東涌巴士站3M 到貝澳老圍村站下車

注意:
⚠唔好打擾草原上的水牛, 水牛跟黃牛有所不同 脾氣比較暴躁 不宜走近
⚠保持環境清潔 自己垃圾自己帶走
⚠唔好在郊野吸煙 天氣乾燥 易生火警
文字/圖片來源 :小牛牛快樂行山郊遊相集by Chan Keung


FB_icon 小牛牛快樂行山郊遊相集by Chan Keung
======================================================================
相關文章:
【三尖青山散步】
【賞瀑布 . 梧桐寨!】

Tagged with:     , , ,

Follow us

合作查詢

歡迎與我們聯絡, 查詢合作