【法式漢堡泡芙!】

鹹泡芙食過未?

你眼中的忌廉泡芙走忌廉,朱古力泡芙走朱古力,變咗鹹食,咁會變咩?位於太子界限街一帶,有一間法國小餐館,售賣牛肉泡芙、吸引一眾年輕人品嚐。原隻法式鹹泡芙有兩款牛肉配搭選擇,分別安格斯漢堡和安格斯肉眼扒,配上流心蛋,美味大增,只係$100蚊樓下咋。

▲法式鹹泡芙配安格斯漢堡($78):咸泡芙外皮似酥皮般鬆脆,漢堡肉質鮮嫩有好香的肉汁,一咬入口流心蛋滲出蛋漿,與牛肉漢堡的精華混和,幸福的感覺即時浮現。

▲如果唔夠味的話,可以向店員拎調味醬汁,加到你夠為止。

▲法式鹹泡芙配安格斯肉眼扒($98):牛肉味好濃厚,肉質嫩口,肉汁鮮味,配流心蛋一齊食,口感層次豐富,味道一流。

▲除咗法式鹹泡芙外,仲有廚師精選的溏心蛋燒飯糰($38):飯糰慢火烤香,烤飯的同時,一邊塗上魚仔醬油,味道香脆可口,伴溏心蛋汁,食到你舔舔脷。

Orginal Art

地址:太子界限街23號地下A1號舖
電話:3571 9208

文字來源:香港人.遊香港/圖片來源:jk_digestmorizelaufooddaily_taitaioriginal_art_restaurant