【尖沙咀全新海運觀點!270度維港景色!🌇】

🌭仲有小型美食美酒市集!🥂

早幾日小編朋友pm話尖沙咀呢間商場有個新景觀地方,仲開左多間新餐廳,諗黎諗去都唔知邊度黎!原來呢邊大樓擴建左,仲增設全新觀景台 -海運觀點,公眾可免費參觀。岩岩開緊係要賀賀佢!由即日起至11月12日 (逢星期四至日)呢度都 舉行Sparkling Sunset品酒化妝派對,有日落歎之餘,仲有美酒美食相伴!

▲Sparkling Sunset通行証每張HK$100 ,有A&B,共2款通行証,每款可到不同餐廳專櫃品嚐汽酒及佐酒美食,只接受現金。

▲憑通行証內的1張攝影券,免費拍攝Polaroid 8 x 10吋即影即有照片或維港日落照片。

▲通行証內的3張品酒券,於Cucina、Jamie’s Italian、Le Café de Joël Robuchon、niji bistro、西村日本料理及Thai Brasserie by Blue Elephant的其中3個指定專櫃,免費品嚐汽泡酒及佐酒美食。右:LE CAFÉ de Joël Robuchon-車厘茄釀蟹肉及法式蛋黃醬;;左:Cucina蟹肉煙三文魚迷你筒配意大利汽酒

▲左:西村日本料理-北海道松葉蟹拑醋物;右:Jamie’s Italian 意式炸蟹肉飯團

▲小編一行2人,一於買哂A同B通行證,咁就有機會試多d唔同款美食!以上為西村日本料理-日本鮑魚粒旨煮。

▲上:Niji bistro-日本明太子蛋沙律脆餅;下:Thai Brasserie by Blue Elephant-蟹肉米紙卷

▲食飽飽之後,都差唔多到日落時份,呢個時間拎住杯氣酒,係呢個270度大觀景台欣賞夕陽西下,真係好浪漫。

▲日落西垂,相信呢個景點會相當受歡迎!

▲「海運觀點」坐擁270度維港景觀,係欣賞香港日落和夜景最佳地點,必定會成為香港的新地標及旅遊景點。

▲呢個打卡位又點可以錯過?

▲憑通行証內的1張禮品券,到海港城海運大廈Facesss或港威商場JOYCE Beauty免費換領美容禮品乙份。

「Sparkling Sunset」品酒化妝派對

日期: 2017年10月26日至11月12日 (逢星期四至日)
時間: 下午5時至8時 (逢星期四至五) / 下午3時至8時 (逢星期六至日)
地點: 海港城海運大廈3階 (近 LCX – XPlus) 及 海港城「海運觀點」(海運大廈頂層)

購買「Sparkling Sunset」通行証:
每張HK$100 (共有2款通行証,每款可到不同餐廳專櫃品嚐汽酒及佐酒美食,只接受現金)

憑指定消費免費換領「Sparkling Sunset」通行証 :
於2017年10月26日至11月12日的推廣期內,顧客凡於海港城任何零售商戶或餐廳食肆以電子貨幣(信用卡或易辦事) 同日消費滿HK$1,000,並於「Sparkling Sunset」通行証銷售處開放時間內出示顧客本人之信用卡或易辦事卡、有關簽賬的機印單據及電子貨幣存根正本,即有機會換領通行証乙張!顧客的消費單據如包括海港城美容及個人護理商戶或餐廳食肆,更可同時獲贈HK$20美食禮券2張! 禮品數量有限,換完即止。

Polaroid Originals 日落攝影工作坊

想即時留下維多利亞港的迷人景色﹖Polaroid Originals 攝影師Ming Chan 利用全新OneStep 2相機及i-Type 相紙分享拍攝風景和魔幻時刻的特別技巧。再由專業攝影師Thomas(@InstantPhotoService)及聶三 (@nie_san_)利用Polaroid Originals古董相機為顧客拍攝8 x 10吋即影即有照片或維港日落照片。
日期:28/10/2017 (星期六)
時間:4pm – 6pm
名額:10
地點:海港城海運大廈3階 (近 LCX – XPlus)

日期:5/11/2017 (星期日)
時間:4pm – 6pm
名額:10
地點:海港城海運大廈3階 (近 LCX – XPlus)

日期:10/11/2017 (星期五)
時間:5pm – 7pm
名額:10
地點:海港城海運大廈3階 (近 LCX – XPlus)

文字來源:香港人.遊香港/圖片來源:香港人.遊香港 &小牛牛快樂行山郊遊相集by chan keung