【重慶雲吞小食】


火辛辣辣雲吞夠唔夠膽食!

位於西環一帶,有一間平價京川滬小食店,專門食麻辣酸辣小食,其中一樣值得推介係重慶雲吞,辣味十足,肉質鮮嫩,雲吞皮夠薄。想食飽D嘅,可以叫雲吞麵或者酸辣土豆粉食。所有嘢食價錢$30蚊有找,食之前記得飲多些水,唔係嘅話辣到你飛起。


▲淨雲吞($26/18隻):成碗湯係紅噹噹嘅辣椒油,味道適中,雲吞全豬肉製造,肉質鮮甜,湯嘅麻辣酸刺激住你味蕾,冬天食會包你暖笠笠,喜歡嘅可以買大碗,$26蚊有18隻,飽到你High High。


酸辣土豆粉($20):土豆麵比紅薯粉更冧,似日式烏冬,口感滑嫩,牛肉好入味 ,辣味慢慢滲出來。


唔想食到塊臉似關公,可以買個青瓜涼麵食,細碗$15蚊,大碗$22蚊,青瓜爽脆,份量十足。加咗小小辣椒醬,醋和蔥花,酸辣兩味具備。


如果你唔想食辣,亦可以選擇唔辣的小食,德國薯仔沙律($20),薯仔夠軟得來又唔會爛,表面仲有好多蔥同炸煙肉碎,多重口感。

溫+飽
地址: 西環德輔道西370號幸運樓地下D舖
電話: 5396 4061

文字來源:香港人.遊香港/圖片來源:isaacshekyfl_____for___louisayuehgo.chi.so.sa.ma
—————————————————————
相關文章:
【童年回憶玩味酒吧!】
【港味濃法式甜品!】