【元朗極高質隱密私房菜!】🍐🐖


私心推介啤梨黑毛豬配啤梨!🐖+🍐
2000蚊既斧頭扒小編就未試過喇!一篇網上流傳既文章再次引起呢間小店既關注。小編見證由屯門細鋪搬入大鋪,再搬去元朗地鋪,而地鋪都係冇招牌既,老闆Jason同拍擋Karen希望同客人有多D互動,寧願一晚只做2-3枱客生意,而且多數做預約客,貴精不貴多!小編私心推介啤梨黑毛豬配啤梨,煎至半熟既黑毛豬口感嫩滑,入口油脂隨即溶化係口腔之中,食過兩次,水準依然。


▲JaseLab Cookery首先開宗明義要客人閱讀哂有關預約細則,小編好乖咁睇哂D細則同圖片,決定食呢一間!


預約形式有2個,一個係定個budget同人數(最低消費$500/ ),咁廚師就會幫你諗食咩,另一個係可以點FACEBOOKunderground Menu,諗好左然後quote 價比你,傾完價錢之後,就要預先入數比店家

▲佢地仲好貼心咁提小編,碟中會有大量配菜如紅蘿蔔、火箭菜等,不過小編好鐘意食!


▲初到餐廳,餐廳裝修到如家庭般,先上一個自家製農家大麵包,同出面連鎖店唔同,新鮮焗起既麵包外脆內軟,加埋包面充滿碎芝士咸香,配埋Parma ham食,令完美一餐開展左序幕。


▲四色蕃茄沙律,全部來自意大利或荷蘭,綠色蕃茄竟然係最甜,而黃色蕃茄就香甜多汁,黑蕃茄就酸酸味味咁,採用新鮮沙律菜。


採用西式現打湯做法,小編仲以為湯係會凍既,點知個湯都好夠熱!


▲英式焗雞,小編連同家人一行8人有2隻雞,色澤燒得唔算均衡,但肉質確係奇滑無比,小編食果隻熟度恰到好處,但唔知係咪焗爐位置問題,隔離果隻似乎火侯差少少。


▲之後既青口以香蒜做成醬汁,令本來平平無奇既食材變成上價菜,惹味非常。


兩次都有食呢個USDA Prime,今次為左方便大家share,先切成一片片,配合新鮮火箭菜及澳洲小蘿蔔,小編都係第一次食澳洲小蘿蔔,口感香甜爽口,擺盤好似一個神秘花園咁!


終於輪到小編最推薦既黑毛豬豬鞍配配啤梨喇!食過2次水準都keep住,油脂、嫩肉係口腔中漫涎,而重中之重係個啤梨,啤梨係以慢煮方式入味,上枱時完全吸收糖份,再轉化另一種甜出黎,配豬鞍食真係一流,簡直係天作之合!


▲ 最後小編同家人都食得好滿足,食埋呢個朱古力mousse就完成左完美既晚餐喇!

 

JaseLab Cookery
地址:元朗安樂路1-11號, 11號鋪地下
預約方法:https://www.facebook.com/pg/JaseLabCookery

文字/圖片來源:香港人.遊香港