葵廣美食2024|手調無酒精Mocktail 鮮果系列+乳酪+爆谷爆炸糖 葵廣掃街唔只得珍珠奶茶飲!不妨試吓呢間無酒精Mocktail專門店,主打使用新鮮水果同果汁所製嘅Mocktail,每一款都係即點即調,賣相誇張吸晴!除咗鮮果系列之外,仲有乳酪系列、沙冰同加入爆谷爆炸糖的特色口味。全部飲品都係由經驗豐富嘅調酒師親自炮製,可以睇到調酒表演𠻹呀。而且價錢貼地,一杯無酒精Mocktail最平只需要$36,咩年齡層都可以試吓! ▲因住啡爆你條脷($46):以咖啡沙冰做基底,加入朱古力,再配上爆谷同爆炸糖,甜味同苦味完美中和。 ▲熱情啫犯法啊($39);傻西柚($39);Pen-Pineapple Apple-Pen($36):皆為小店主打的鮮果系Mocktail,使用新鮮水果同果汁所製。分別為熱情果味、西柚味及青蘋果菠蘿味。 ▲打波先黎乳酪($45);粉紅色yogurt可遇不可求($45):Frozen系列中的士多啤梨味,配上自家製雲呢拿泡沫。 ▲桃桃可恥但好飲($42):口味是甜酸夾雜,以桃味為主;莓莓愛收冰($42):以新鮮雜莓為主調,口味清新冰涼。 Athena 地址:葵芳葵涌廣場1樓88B舖營業時間:12:00-22:00 文字來源:香港人遊香港/圖片來源:@athenahk...
葵廣美食2024|爆餡越式法包!另有撈檬+湯河+越式小食 這間位於掃街天堂葵廣的小店,主打各款越式美食,包搭法包、撈檬、湯河,以及豬頸肉、鳳爪、蝦餅等小食。當中最吸引的就是越式法包,包身烤得外脆內軟,內餡有7種選擇,包括豬頸肉、燒牛肉、扎肉等。另外會夾上蘿蔔絲、青瓜、紫蘇葉等蔬菜增添口感和味道,香菜的味道令整體更有異國風味。而且法包性價比頗高,單拼法包只需$38,雙拼$45, 去葵廣掃街的朋友不妨一試啦! ▲越式豬頸肉扎肉法包($43):法包外脆內軟,豬頸肉中間油脂豐富之餘,豬頸肉邊有脆焦口感。而扎肉口感扎實,配上蘿蔔絲、青瓜、紫蘇葉等蔬菜令整體層次更升級! ▲越式燒牛肉扎肉法包($43):燒牛肉十分入味,香味十足分量夠多!加入蛋黃醬令整體口感及味道更濃厚。 ▲單拼越式法包($38):法包的性價比不錯,單拼法包只需$38,雙拼$45。口味包括豬頸肉、燒牛肉、扎肉、五花腩、豬扒和燒雞。如點選肝醬法包更是低至$28! ▲蝦餅墨魚餅撈檬($44):撈檬配有酸辣湯汁,食落十分開胃。粟米墨魚餅和蝦餅都好彈牙有咬口,蝦餅有成3塊!同樣配上各式清新蔬菜。 ▲越南蔗蝦($19/2支):蔗蝦炸得乾身,蝦膠彈牙,連清甜的蔗一起食就有雙重口感。 ▲越南青桔水($10):消暑透心涼必點的青桔水,加入薄荷更清涼。 越式美食 地址:葵涌廣場三樓Top世界3069-T16-T17號舖營業時間:12:00-22:00電話:68388382 文字來源:香港人遊香港/圖片來源:@shc_good_taste、@waisiksheep...
葵廣美食2023|即叫即整16味麻糬牛角包窩夫 另有酥皮鯛魚燒1
葵廣美食2023|即叫即整16味麻糬牛角包窩夫 另有酥皮鯛魚燒 呢間小店係葵廣掃街必食甜品!主打麻糬牛角包窩夫,總共有16款味任君選擇,最近仲有期間限定榴槤味,加入雪芭、Cream Cheese同一球榴蓮蓉!而其他常設口味有Tiramisu、綠茶、柚子、花生奶醬等,亦有咸味款供應。窩夫是即叫即整,所以到手時仲係熱辣辣。各款口味嘅用料都好足,面層嘅醬料厚身,可以覆蓋到成個窩夫,仲附有配料!窩夫外皮酥脆帶牛油香,內餡軟熟,加入彈牙麻糬令口感多層次。即使放涼咗再食,外皮都可以保持到硬身而唔會被醬料浸淋。去葵廣掃街嘅話就唔好錯過啦! ▲麻糬牛角包窩夫($36/2件):總共有16款味,常設口味有Tiramisu、綠茶、柚子等,除了甜味外,亦有咸味可選,例如鹹蛋肉鬆、烤芝士布甸。 ▲期間限定榴槤味:加入雪芭、Cream Cheese同一球榴蓮蓉,口感好多層次! ▲香濃黑芝麻、日製焙茶、伯爵阿華田、花生奶醬:焙茶味附有脆脆,茶香清新。黑芝麻就好香濃。 ▲炙燒牛角酥皮鯛魚燒($38/2件):奶黃味的內餡有黃金流沙,仲可以食到粒粒咸蛋,而面層就有焦糖,同時食到咸甜滋味。 絆 1/2 Sweet 地址:葵芳葵涌廣場2樓C97A號舖營業時間:13:00-22:00電話:39563103 文字來源:香港人遊香港/圖片來源:@halfsweet.nya、@letsgocrazyjanet...
葵廣呢間新開嘅小店,主打西班牙吉拿棒,啱哂一班甜品控呀!佢哋嘅Churros係每日新鮮即炸,保證金黃香口,食到外脆內軟,富有空氣感嘅口感!而且有不少配料,包括雪糕、醬汁、茶凍等都係自家手工製作!共有6款新地杯口味,有鹹有甜,亦可以自選配料,配搭出喜愛嘅口味⋯⋯
香港美食嘉年華2023 掃街必去 300個攤位 一連9日的香港美食嘉年華開幕啦!場內設4大主題展區,超過300個攤位,由休閒食品、參茸海味、糧油麵食、家電及廚具都有。當中最吸引一定係熟食「為食Guide」區,事隔4年重臨,設有40個熟食攤,價錢合理,而且選舉多!當中掃街必食就推薦佛跳牆,$48就食到3隻大大隻鮑魚,仲有花膠、冬菇、海參等。台灣小食方面,就有BB 生煎包, 皮薄餡多,一口爆汁。更有台南正宗蚵仔煎、台灣雞翅包飯、麻辣鴨血、台灣腸等。而泰式小食都有好多,船河、串燒、甜品都有!仲有即燒生蠔、燒扇貝等,非常吸引!嘉年華晚上7時更免費入場,大家有時報可以感受下熱鬧氣氛! ▲佛跳牆($48):佛跳牆好足料,有3隻大大隻鮑魚,仲有花膠、冬菇、海參等,可以話必食之選。店家有多款組合,價錢由$48-$68不等。位置:D18-19 ▲流浮山燒生蠔($50/4隻) :生蠔上配上粉絲蒜蓉,非常惹味。位置:D39-40 ▲BB生煎包($40/15粒) :皮薄餡多,一口爆汁。店內更有套餐價,$50就有香水檸檬茶+BB生煎包,超低食。位置:D33 ▲台灣雞翅包飯:燒雞翼釀入炒飯,飽肚感十足!位置:D10-12...
葵廣向來都好多高質小食店,而呢間開業唔夠半年嘅人氣小店,就係靠自家製爆餡冬甩打出名堂!冬甩有6款長青款口味,包括Nutella、吉士、咖啡、伯爵茶、士多啤梨及檸檬芝士,而且會不定期推出限定口味,例如最近有榴槤味!當中餡料除咗Nutella味外,其他都係小店自家研配,伯爵茶味甜中帶清雅茶香。最邪惡嘅味又點少得Nutella味,濃郁榛子味作為甜品餡實在冇得輸⋯⋯
蛋糕推介|生日必選人氣森林系蛋糕
蛋糕推介|生日必選人氣森林系蛋糕 香港有好多人氣ig甜品店,但呢間蛋糕專門店以精緻的森林系裝飾聞名,主打插花技巧以及不定時推出季節限定口味,許多婚宴以及生日的顧客都紛紛慕名而來。例如夏日必試日本白桃烏龍茶麻糬蛋糕,輕盈軟熟的戚風蛋糕,配上清香的烏龍茶味與清甜蜜桃,入面仲有加人氣軟糯麻薯,口感分明。網店亦有推出糖皮貓貓主題系列,可以訂製屬於你心愛的寵物糖皮公仔,配搭不同口味蛋糕如澳洲棉花糖青提子口味、芒果鮮忌廉等,如果大家有興趣可以到呢間網店預訂,絕對有驚喜! ▲網店有推出糖皮貓貓主題系列,可以訂製屬於你心愛的寵物糖皮公仔,配搭不同口味蛋糕如澳洲棉花糖青提子口味、芒果鮮忌廉等,超級可愛! ▲可以預訂兩層蛋糕款式,適合很多場合例如百日宴 /結婚 /人數比較多的宴會之類,小清新之餘亦隆重。 ▲網店不時推出季節限定口味,水果會因為季節當造而作出調整,例如夏日會有「茉莉綠茶x日本夏蜜柑」口味蛋糕,甘潤的茉莉綠茶配上滿滿日本夏蜜柑,蛋糕裡還加入招牌日本高知縣柚子醬、蘆薈粒粒以及糖漬蜜柑碎,清甜而不膩。 ▲水果蛋糕仲有限定日本白桃烏龍茶味,預計供應到9月上旬,輕盈軟熟的戚風蛋糕,配上清香的烏龍茶味與清甜蜜桃,入面仲有加人氣軟糯麻薯,非常值得嘗試! Bu Guu Bake House...
日本知名連鎖天婦羅丼飯店 - 「天丼 Tenya」 由2018年來港後,至今全港有5間分店,以即叫即炸天婦羅為主打,用上優質食材,炸到卜卜脆為名。最近「天丼 Tenya」就推出青森祭活動,用上青森當地獨有食材做天婦羅,當中青森縣最出名的是扇貝和魷魚,是日本最大的扇貝產地之一,扇貝大大隻,肉厚鮮甜,更達刺身級別;而廚師特別用上質感柔軟可口的魷魚,做成青森魷魚丸,可以話口感滿滿。
情人節去哪裏慶祝?今年就有人氣大讚的台式特色火鍋店大推情人節一日限定⼆⼈專屬火鍋放題!餐廳主打台式風味湯底,包括刈菜蚵仔鍋、⼀品酸菜⽩⾁鍋、台式濃香沙菜鍋、桃膠⼟雞美⼈鍋湯底、美⽩凝膚⽜乳鍋及相當刺激的御膳麻辣鍋等。這個情人節二人只需HK$898加上限定88折優惠,即可在120分鐘内享用精選放題火鍋,放題肉類包括澳洲M9和牛及美國極佳⽜肩胛⾁。
本地人氣咖啡室BEANS Cafe最近聯乘雀巢KITKAT,推出期間限定「Have A Crunchy Moment」創意甜品!甜品系列合共3款,包括Crunchy Mountain、流心吐司窩夫,每款入口都有啖啖獨特的KIT KAT香濃滋味,無論口感或擺盤都相當出色!當中最特別莫過於外型如同朱古力雪山的「Crunchy Mountain」,切開內層有豐富KITKAT可可威化抹醬、碎粒、朱古力海綿蛋糕、72%黑朱古力及Mascarpone忌廉,相當有驚喜,朱古力控必試!
惠康「鮮」級市場(Wellcome Fresh)正式進駐新界西,新店選址葵涌商場,佔地超過15,000呎,店舖有搜羅世界各地超過45個地區的優質食品,以及多達1,100種鮮活食材,價格超值抵買之餘,更為顧客提供一個舒適購物體驗!新店設有多個食材專區及食街,當中有首度進駐葵涌區的人氣泰國餐廳「金泰子」及40年老字號「聯豐粉麵廠」,提供一系列泰菜及腸粉麵食,麵包櫃位更推出優惠新品 「金甜芝士吐司」。另外必試人氣單品「月島芝士撻」,撻底由日本直送,配上日本芝士醬及澳洲忌廉芝士,而1,024層酥脆皮的 「鮮果拿破崙蛋糕」也是值得一試。