石硤尾美食2024|石硤尾自家製純天然堅果醬小店 位於石硤尾後街一角有一間主打各款純天然手工堅果醬,每日新鮮即磨絕無任何添加!包括有大熱開心果醬、花生醬、杏仁醬、核桃醬、榛子醬等,非常適合買返屋企搭配麵包或用於料理。另外小店更提供多款小食及飲品配搭堅果醬,例如招牌西多士、素窩夫、開心腰果糊、榛子素布朗尼、堅果奶等,全部都係即叫即製。其中開心果醬西多士最為搶手,加埋焦糖煉奶超香甜!堅果控不要錯過啊~ ▲店內擺放2部磨醬機,新鮮磨製果醬。每日供應2款堅果,包括花生醬(每日)+限定一款,小店亦歡迎大家到店內試食。 ▲西多士($58)即叫即製,不過需要少少時間耐心等候。而多士外脆內軟,入面嘅自家製開心果醬好濃稠,堅果味突出,加埋焦糖煉奶好邪惡! ▲腰果醬素窩夫($58)可選配椰糖漿或焦糖煉奶,表面更灑上腰果碎有粒粒口感。 ▲另外有開心腰果糊、榛子素布朗尼、堅果奶等,全部都係即叫即製。堅果醬亦可單獨購買,多達9款,可以自備玻璃樽(另可買$5/個)。 All About Nuts 地址:石硤尾偉智里1-3號白田購物中心地下13號舖前往方法:石硤尾站C出口營業時間:星期三至日12:00 – 19:30...
長沙灣美食2024|70年代復古奢華風韓燒 牛油熟成厚切五層肉+醬油蟹膏蟹籽拌飯 呢間裝修華麗嘅韓式燒肉店,以70年代的富人會長屋企做主題,環境走奢華復古風,超有特色。人氣No.1嘅招牌牛油熟成厚切五層肉,香口之餘又充滿肉汁,使用牛油包住豬肉,燒嘅時候令豬肉更焦香。醬油蟹膏蟹籽拌飯都係必食!醬油蟹肉、蟹膏、蟹籽嘅份量都好多,再撈埋生雞蛋,口感濕潤鮮味突出。餐廳嘅CP值都唔錯,2人餐最平只需要$368,而唔使$500就可以食到有5款肉加海鮮、小菜同飲品嘅招牌套餐。各位食肉獸Mark實啦! ▲招牌牛油熟成厚切五層肉($398/會長王牌套餐):套餐內嘅主打肉類。大約有180g,香口之餘又充滿肉汁,使用牛油包住豬肉,燒嘅時候令豬肉更焦香。 ▲會長招牌套餐($498):呢個套餐有5款肉類,包括韓式醬汁牛五花、M6和牛臀肉、美國極佳牛頸脊、特級豬頸肉同西班牙豬肋條,另外配有阿根廷珍寶紅蝦、韓式小菜、生菜杯同2杯手調飲品。 ▲韓式醬牛五花($58/單點):醬汁醃得入味又保留到肉的鮮甜;美國牛舌芯($78/單點):牛舌芯口感彈牙又帶肉味。 ▲醬油蟹膏蟹籽拌飯($108):燒肉以外的必食之選。醬油蟹肉、蟹膏、蟹子嘅份量都好多,再撈埋生雞蛋,口感濕潤鮮味突出。 ▲環境走復古奢華風格,以70年代的富人會長屋企做主題,裝修好有氣派及韓式風味,好似睇緊韓劇咁呀。 會長之家烤肉 地址:福榮街506-510號榮發閣地下A1號舖營業時間:12:00-22:00訂座電話:26666881 文字來源:香港人遊香港/圖片來源:@majorinfood、@kirby.foodie、 @ku_bear.food...
長沙灣美食2024|人氣Pizza店期間限定買1送1優惠+$1黑毛安格斯牛扒 必食正宗底特律薄餅1
長沙灣美食2024|人氣Pizza店期間限定買1送1優惠+$1黑毛安格斯牛扒 必食正宗底特律薄餅 這間位於長沙灣的Pizza小店,為大家帶來充滿意大利特色的傳統滋味!最新推出罕見的正宗底特律風格焗鍋披薩,整體口感蓬鬆酥脆,餅底厚實而芝士烘烤成薄脆口感,再配上酸甜醬汁,分別有兩款口味。另外有肉味濃郁的頂級黑毛安格斯牛扒,更可以無限任添薯條!此外,亦有帶子鮮蝦焗脆芝士通粉,面層的芝士焗至金黃香脆,啖啖都吃到彈牙海鮮。最近店家更推出超抵優惠,包括Pizza或意粉買一送一,以及加HK$1換購黑毛安格斯牛扒! ▲辣香腸底特律風披薩($168);菠蘿意大利煙肉底特律風披薩($178):正宗底特律風格焗鍋披薩,整體口感蓬鬆酥脆,餅底厚實而芝士烘烤成薄脆口感,再配上酸甜醬汁。 ▲星期二優惠:由即日起至2024年2月29日,逢星期二下午6時後於Pizza Piazza以外賣自取購買任何披薩或意粉,即可享買一送一優惠! ▲星期三優惠:由即日起至2024年2月29日,逢星期三下午6時後於Pizza Piazza惠顧晚市堂食,凡購買一個披薩即可以優惠價HK$1,享用價值HK$138的一人份 300克頂級黑毛安格斯牛扒配巴馬臣芝士超脆薯條,數量有限,送完即止。 ▲頂級黑毛安格斯牛扒配巴馬臣芝士超脆薯條($138/300克)($258/600克):選用美國安格斯牛稀有部位「封門柳」,配巴馬臣芝士超脆薯條,薯條可以任添!可選配「傳統意大利牛扒蕃茄醬、阿根廷酸辣牛扒醬、法式L’entrecote牛扒醬、意大利黑松露蘑菇醬」4款自家製牛扒醬。 ▲焗脆面帶子鮮蝦芝士通粉($138):面層的芝士焗至金黃香脆,採用一半海鮮一半通粉的配方,啖啖都吃到彈牙海鮮。 ▲黑松露肉汁芝士薯條($98):使用脆炸18個月意大利巴馬火腿,加入黑松露牛扒燒汁;「堅」水牛城雞翼 ($88):使用正宗食譜而製的水牛城雞翼,加上濃郁的藍芝士,辣味加香濃芝士十分惹味! Pizza Piazza 地址:荔枝角長沙灣道883號億利工業中心地下1A號舖營業時間:12:00-22:00電話:2370 0530 文字來源:香港人遊香港...
荔枝角美食 抵食日本菜居酒屋 期間限定鹿兒島Fair 呢間位於荔枝角的日本菜居酒屋推出了期間限定鹿兒島Fair,由即日至2月29日舉行。今次更聯乘鹿兒島縣農政部推廣鹿兒島優質美食食材,由經驗豐富的日藉主廚木村潤一郎主理,使用鹿兒島的當季食材設計出限定餐單。鹿兒島資源豐富從海上到陸上都是美食寶庫,當中包括黑毛和牛鹿兒島和牛、全日本產量第一鰤魚、加入綠茶葉飼料長大肉質鮮嫩的鹿兒島茶美豚、以及薩摩芋和金柑等特産。除了鹿兒島美食,充滿日式風情的居酒屋還提供多款串燒、天婦羅、清酒等,仿如置身日本。 ▲鹿兒島油甘魚刺身 ,厚切油甘魚味道鮮甜帶爽口。 ▲鹿兒島鯛王壽司,鯛王鮮甜夠新鮮。 ▲茶美豚金桔沙律,選用加入綠茶粉和甘薯飼養的鹿兒島茶美豚,豚肉肉質嫩滑味道濃郁。沙律還加入鮮甜的鹿兒島金柑,金柑可以連皮生吃,整體清新開胃。 ▲鹿兒島產甜薯天婦羅,甜薯由如其名非常香甜。鹿兒島產障泥烏賊天婦羅,外層粉漿鬆脆而烏賊肉質軟腍。 ▲味噌茶美豚五花腩脆米紫菜卷,紫菜粉漿炸得又薄又脆配上油脂甘香五花腩肉和味噌口感層次豐富。 ▲鹽燒鹿兒島南國元氣雞腿肉,雞腿皮煎得脆口不油膩,腿肉保留豐富肉汁和嫩滑口感。 ▲茶美豚肉鍋,豚肉肉質嫩滑味道濃而各野菜都吸收湯汁精華味道更鮮。...
荔枝角美食2024|荔枝角法式森林系Cafe 荔枝角有間文青Cafe,由九龍城人氣Cafe南角團隊主理,裝潢走法式森林系風格,以木系與綠葉為主要設計元素,因此室內擺放許多木製傢俬以及綠葉盆栽,而且亦鄰近商厦,就像身處在鬧市中的一片綠洲。食物方面,店內以廣東西式fusion意粉類輕食為主,例如有潮洲魷魚仔墨汁闊麵,每啖都會食到充滿鹹香的魷魚仔,特飲方面有充滿港式風情的話梅梳打咖啡與菊花薑蜜咖啡,所有菜式配搭新穎而有驚喜,非常值得一試! ▲長沙灣商業區內的一間新cafe,由九龍城人氣Cafe南角團隊主理,以木系與綠葉為主要設計元素。 ▲座位數目頗多,室內擺放許多木製傢俬以及綠葉盆栽,像走進一片小森林。 ▲Cafe融合港式和廣東菜元素的Fusion西餐,例如有潮洲魷魚仔墨汁闊麵,每一啖都充滿鹹香魷魚仔鮮味,特飲方面有話梅梳打咖啡與菊花薑蜜咖啡,咖啡豆用巴西、哥倫比亞與坦桑尼亞拼配。 ▲想試麵包類可以叫金文畢芝士烤番茄吐司也是不錯選擇。 61E Coffee 地址: 長沙灣永康街63號地下 圖片來源: @chilllifehk...
深水埗美食2024|人氣卷蛋網店jenjen烘焙實驗室 深水埗開實體Cafe 甜品控注意!香港人氣卷蛋網店「jenjen烘焙實驗室」在instagram擁有46k紛絲,每次卷蛋一推出都會秒速售罄,歡迎程度高企!而最近網店亦正式開設實體店,於文青Cafe聚集地深水埗區開設Jen Cafe,除了可以品嚐到美味卷蛋例如宇治濃小山園抹茶卷蛋、開心果蝶豆花草莓卷蛋等,亦提供咖啡及麵包輕食料理,例如經典港式叉燒滑蛋配蔥花甜豉油吐司、或者改編版醒神「豬柳bell」、焙茶和小山園抹茶拿鐵等。另外店內走日式木系簡約風,店鋪雖小但勝在舒服,文青人士一定要去打卡啦! ▲店內走日式木系簡約風,店鋪雖小但勝在舒服,採光度十足,偶爾鄰居的貓咪會走進店舖睡覺,好可愛! ▲店內依然售賣招牌美味卷蛋例如宇治濃小山園抹茶卷蛋、開心果蝶豆花草莓卷蛋等,亦會提供咖啡及麵包輕食料理。 ▲有凍/熱焙茶和抹茶拿鐵,抹茶可選擇若竹、青嵐、松風、八女八女の華等抹茶粉,冬天亦適合飲杯暖暖的玉桂可可。 ▲麵包輕食料理有經典港式叉燒滑蛋配蔥花甜豉油吐司或者改編版醒神「豬柳bell」,將港式元素結合西方美食,新奇又意外地夾。 Jen Cafe 地址:深水埗基隆街102號地舖(太子地鐵站D出口行5分鐘)營業時間:10am-6pm 圖片來源: @jencafe.hk 文字:香港人遊香港...
石硤尾美食2023|香港隱世轉角木系復古Cafe Cafe除了美食外別出心裁嘅裝潢肯定少不了,今次介紹呢間係位於石硤尾屋村的隱世打卡ABLE Cafe,走木系復古裝潢。前身是Toolss咖啡店,依家由一對情侶接手經營,雖然保留了舊店的格局,但裝飾上加上了許多懷舊元素例如黑膠唱片、唱片機、印上被迫營業中的懷舊小巴牌、比較少見的大牛龜電視機等等,每個角落都係打卡位。而食物方面提供麵包輕食及拉花咖啡,主打Bagel有10多款選擇,推薦咸蛋肉鬆口味以及手打牛肉漢堡蕃茄芝士,肉汁非常juicy!如果鐘意復古風格不妨去呢度打卡啦! ▲Cafe位置比較隱蔽,前身是Toolss咖啡店,依家由一對情侶接手經營。新店保留了店內外的木系裝修,而吧枱和戶外座位都可以繼續使用。 ▲裝飾上加上了許多懷舊元素例如黑膠唱片、唱片機、印上被迫營業中的懷舊小巴牌、比較少見的大牛龜電視機等等,每個角落都係打卡位。 ▲食物方面主打Bagel有10多款選擇,推薦咸蛋肉鬆口味以及手打牛肉漢堡蕃茄芝士,肉汁非常juicy,而Bagel口感煙煙韌韌。 ▲凍熱咖啡都有大小之分,大杯Flat white有隻得意大海馬拉花,而小杯orange espresso tonic用三角量杯裝,用來打卡一流! Allez Coffee...
呢間位於荔枝角嘅新開居酒屋主打日本和牛,師傅以不用嘅烹調手法將和牛變成各種菜式,包括以刺身方式岀現嘅宮崎和牛海膽刺身;以火槍輕燒嘅薄燒宮崎和牛;以他他方式製作嘅月見宮崎和牛卷,可見師傅用心設計每一款料理。另外,呢度最人氣嘅係丼飯,原因係抵食多料,當中嘅金丼就有膽三文魚籽拖羅蓉,上面再加上一隻雞蛋,超打卡-able! ▲秋田煙燻蘿蔔薯仔脆脆:軟滑嘅薯蓉配上薯片,鹹鹹香香,非常有驚喜! ▲自製雞皮蝦:大蝦外層用上雞皮包裹,外層燒至脆口,蝦肉juicy彈牙,口感有層次! ▲宮崎和牛海膽刺身:外層油脂感十足嘅和牛刺身包住軟滑即溶海膽。 ▲月見薄燒宮崎和牛飯:薄燒宮崎和牛上有日本香米及雞蛋,服務員會用火槍在席前輕燒至你想要的熟度,另備有3款味料調味。 ▲月見宮崎和牛卷:和牛以他他蓉呈現,配上香蔥、蛋黃。 ▲金丼。月見:海膽三文魚籽拖羅蓉定食($198)  金酒屋 地址:荔枝角長沙灣道909號地舖電話: 5980 8909  文字:香港人遊香港...
荔枝角美食2023|荔枝角新開木系日式Cafe 位於荔枝角的一家新店是K11 Musea Ukiyo Cafe的姊妹店。荔枝角新店室外走深色木系風格,裡面則是白色木系配以溫暖燈光。菜品提供和洋口味的主食及甜品,而呢度最熱賣的就是打卡必選拉絲麻糬窩夫,有抹茶紅豆同朱古力味,餐廳將一大片麻糬皮包裹住窩夫,而麻糬皮超煙韌好有拉力,奶香味十足,配搭甘澀抹茶窩夫同黑糖醬,整體感覺十分和風!另外室外可讓有寵物的人用膳,晚上也有不同酒類飲品供應,如果假日得閒的話帶埋朋友過嚟chill下~ ▲荔枝角新店室外走深色木系風格,裡面則是白色木系配以溫暖燈光。 ▲ 咖啡方面,以意式啡為主,是哥倫比亞與埃塞俄比亞的拼配豆,會帶少少核果風味。 ▲窩夫係屬於軟綿綿Q彈質感,加上一大片麻糬,必須打卡先! ▲仲有卷蛋系列分別有抹茶麻糬和焙茶蒟蒻。 Makuma Cafe 地址:荔枝角D2 Place地下G03號舖營業時間:星期一至日12:00 – 21:00 圖片來源: @makuma.hk 、 @chilllifehk 文字:香港人遊香港...
荔枝角美食2023|荔枝角西班牙風味小館 位於荔枝角呢間西班牙風味小館今個秋季迎新上任著名西班牙籍總廚,推出一系列美味佳餚,例如有前菜西班牙白毛豬火腿配焦糖羊奶芝士串、主菜香煎刺身級帶子、鴨肝野菌雞肉西班牙飯、紅蟹燉飯、甜品焦糖麵包布甸配青蘋果及榛子雪糕等等美食,極致味蕾享受!其中紅蟹燉飯以原隻紅蟹呈上,蟹肉多汁,配上煙韌的燴飯口感一流。如果晚上想同朋友聚餐不妨到呢度試吓! ▲首先有3款小食打頭陣,之後有前菜特色西班牙蕃茄配醃鱈魚、銀魚柳及醃青椒。 ▲清新前菜有「烤西班牙羊奶芝士及加泰羅尼亞烤雜菜沙律配雜果仁及迷迭香棗子」及「香煎刺身級帶子配青豆蓉及西班牙辣肉腸」。 ▲主菜有「Rustico 特色西班牙炸蛋配油封馬鈴薯、脆炸小魷魚及海蝦」、「紅蟹燉飯」以及「鴨肝、野菌及雞肉西班牙飯」。 ▲甜品有「焦糖麵包布甸配青蘋果及榛子雪糕」、「曼徹格羊奶芝士泡沫配迷迭香雪糕」及「朱古力香橙小吃」。 Rustico 地址:九龍荔枝角長義街9號D2 Place One地下G01舖營業時間:星期一至日中午12時至下午3時(截單時間為下午2時30分)及晚上6時至11時(截單時間為晚上10時) 圖片&文字:香港人遊香港...
大家對傳純中式糖水的印象是否不外乎芝麻糊、綠豆沙等款式呢?而這間老字號糖水舖就有超罕見的開心果糊!被笑稱為「鬼口水」的開心果糊,使用來自伊朗的開心果製成,翠綠色的賣相的確令人衝擊又好吸晴,食下去的質地濃稠兼滑順,淡淡的果仁味不會過份甜膩。另外亦有開心果糕,綠如璧玉的開心果糕並無使用香料及味精,富有彈性,有咬口得來又香滑。
深水埗美食2023|無印風日式料理Café
深水埗美食2023|無印風日式料理Café 呢間無印風日系cafe「習作」以木系色調為主,有一部分設有榻榻米茶座,如果喜愛寧靜的朋友可選擇坐榻榻米邊吃邊聊天。食物主打日式家庭式料理、精緻素食蛋糕等,不時會轉換菜單,令食客能夠經常吃到不一樣的美味。新菜單共10款主菜,客人可選擇招牌定食然後加配兩款自選主菜,例如近期有梅汁鮭魚燒、燒汁鳳梨五花肉、南瓜蟹肉甲羅燒以及爆汁的和牛漢堡,每款都係即叫即製,而且賣相非常精緻,啱曬女生打卡!另外甜品有純素選擇,如日本草莓撻、紅茶卷都有素食供應,非常體貼。食完定食同甜品可以到café另外一邊看手作工藝,café不時與其他品牌合作,如有得意蔬菜造型筷架,,插畫明信片,文青人士快啲去啦! ▲「習作」以日本木系色調為主,有一部分設有榻榻米茶座,喜愛寧靜的朋友可選擇坐榻榻米邊吃邊聊天。 ▲食物方面有定食和丼飯選擇,配以時令配菜及湯。餐單每季都會更新,讓食客品嚐不同美味。 ▲客人可選擇招牌定食然後加配兩款自選主菜,例如近期有梅汁鮭魚燒、燒汁鳳梨五花肉、南瓜蟹肉甲羅燒以及爆汁的和牛漢堡,每款都係即叫即製,鮮味十足。 ▲餐廳亦有售賣各種手工藝,例如呢款蔬菜造型筷架,逼真設計好得意! 習作Zapjok 地址:深水埗長沙灣道66號地舖營業時間:12:00 – 21:00(要留意官網休息日) 圖片來源: @zapjok 文字:香港人遊香港...

深水埗美食

深水埗包括九龍石硤尾、長沙灣、荔枝角一帶,該處居住人口消費能力和指數較別區低,卻是一個卧虎藏龍的美食集中地。深水埗美食包括不少香港人最愛的特式街頭小食,許多都是家庭式經營的老字號,深受街坊愛戴,桂林街合益泰小食出品的腸粉,澆上甜醬、豉油、芝麻是本地人、遊客的最愛深水埗美食之一。另外一間深水埗美食本地老店公和荳品廠專賣豆腐花、豆漿等豆製品,亦有不少食客支持。深水埗石硤尾街一帶,依然保留香港碩果僅存的綠色鐵皮大排檔,火花熊熊地將乾炒牛河、椒鹽鮮魷即時製作,難怪連謝霆鋒的《十二鋒味》都選擇深水埗為其一個拍攝廚藝對戰的場地!


深水埗到石硤尾新年引來不少文青開業咖啡店,配合鄰近賽馬會創意藝術中心JCCAC文藝氣息,吸引了新一代來到飲咖啡打卡。要平食窮遊深水埗,可以到西九龍中心覓食,無論是美食廣場,還是商場內都隱藏大量隱世小店,種類亦層出不窮包括有拉麵、餃子及雪糕店等。